ආදර්ශ ගැටලු 2025

ශිෂ්‍යත්ව ස්වයං ඇගයීම් පරීක්ෂණය

1. "ලොකු පොඩි කාගෙත් ළඟ ගැවසෙන්නේ... මගෙ පිරිසිදුකම වියැකී යන්නේ" යන කවියෙන් කියැවෙන දේ කුමක්ද?

(1) කන්නාඩිය (2) පනාව (3) ලේන්සුව

2. 12345, 56245, 78245 යන සංඛ්‍යා කාණ්ඩ තුනට පිළිවෙළින් ගැළපෙන වචන ඇතුළත් කාණ්ඩය කුමක්ද?

(1) කතරගම, මහරගම, පරණගම (2) පරණගම, කතරගම, මහරගම (3) පරණගම, මහරගම, කතරගම

3. ඝනකයක එකිනෙකට ප්‍රතිවිරුද්ධ මුහුණත් මත ඇති ඉලක්කම්වල එකතුව 7 කි. එහි ඕනෑම මුහුණතකට යාබද මුහුණත් හතර මත ඇති ඉලක්කම්වල එකතුව කීයද?

(1) 10 (2) 14 (3) 15

4. මිතුරන් කණ්ඩායමක් රුපියල් 10 බැගින් එකතු කළ විට රුපියල් 5ක් මදි වේ. රුපියල් 12 බැගින් එකතු කළ විට රුපියල් 5 ක් ඉතුරු වේ. කණ්ඩායමේ සිටින මිතුරන් ගණන කීයද?

(1) 4 (2) 5 (3) 6

5. දිනිති සහ යහළුවන් විසින් තුන ශ්‍රේණියේදී සිටුවන ලද පැළ රෝපණය සඳහා මූලිකත්වය ගත්තේ කවුද?

(1) දර්ශි (2) තිසරු (3) දිනිති

6. "පරණ" යන වචනයට විරුද්ධ පදයක් ලෙස ඡේදයේ සඳහන් වන්නේ කුමන වචනයද?

(1) පැරණි (2) අලුත් (3) ප්‍රධාන

7. "ගුරුවරියෝ අපට නිසි මග ..................... ." හිස්තැනට ගැළපෙන නිවැරදි ආඛ්‍යාත පදය තෝරන්න.

(1) පෙන්නුවා ය. (2) පෙන්නුවෝ ය. (3) පෙන්වති.

8. "වෙද්‍යවරිය රෝගියා පරික්සා කළාය." යන වගන්තියේ වැරදි අක්ෂර සහිත වචන දෙක නිවැරදිව ලියූ විට ලැබෙන්නේ,

(1) වෛද්‍යවරිය, පරික්ෂා (2) වෙද්‍යවරිය, පරීක්ෂා (3) වෛද්‍යවරිය, පරීක්ෂා

9. පහත සඳහන් ඒවායින් "ප්‍රථම පුරුෂ අතීත කාල බහු වචන" ක්‍රියා පදයක් වන්නේ කුමක්ද?

(1) වැටුණේ ය (2) වැටුණෝය (3) වැටෙති

10. "උත්තම පුරුෂ ඒක වචන වර්තමාන කාල" ක්‍රියා පදයක් වන්නේ කුමක්ද?

(1) අනුභව කරමි (2) අනුභව කළේය (3) අනුභව කළෙමි